Followers

4 July 2019

SHREE AADINATH CHARITRA (BHAG) - 23 | JAIN STUTI STAVAN


ભગવાન શ્રી ઋષભદેવ ચરિત્ર ભાગ - 23

પરિનિર્વાણ: તે કાળે તે સમયે કૌશલિક અર્હંત ઋષભ વીસ લાખ પૂર્વ વરસ સૂધી કુમાર અવસ્થામાં રહ્યા. ત્રેસઠ લાખ પૂર્વ વરસ સુધી રાજ્યાવસ્થામાં રહ્યા. ત્ર્યાસી લાખ પૂર્વ વરસ સુધી ગૃહવાસમાં રહ્યા, એક હજાર વરસ સુધી છદ્મસ્થ પર્યાયમાં રહ્યા, એક લાખ પૂર્વ વરસમાં એક હજાર વરસ ઓછાં કેવળીપર્યાયમાં રહ્યા. આ પ્રમાણે પૂરા એક લાખ પૂર્વ વરસ સુધી શ્રમણપર્યાયમાં રહ્યા. આ પ્રમાણે નિર્ધારિત ચોર્યાસી લાખ પૂર્વનું પૂર્ણ આયુષ્ય ભોગવીને વેદનીયકર્મ, આયુકર્મ, નામકર્મ અને ગોત્રકર્મ ક્ષીણ થતાં જ આ અવસર્પિણી કાળના સુષમ દુષમ નામના આરાનો ઘણો સમય વ્યતીત થઈ ગયો ત્યારે ત્રણ વરસ અને સાડાઆઠ માસ બાકી રહેતાં, હેમંત ઋતુના ત્રીજા માસ, પાચમા પક્ષ અર્થાત્ મહા માસનો કૃષ્ણપક્ષ આવ્યો-તે પોષ વદ તેરસના દિવસે અષ્ટાપદ પર્વતના શિખર ઉપર શ્રી ઋષભદેવ અર્હંત બીજા દસ હજાર અણગારોની સાથે, પાણી રહિત છ ઉપવાસનું તપ કરતાં, અભિજિત નક્ષત્રનો યોગ થતાં જ પૂર્વાહ્નમાં પલ્યંકાસનથી રહેલા કાળગત થયા યાવત્ સર્વ દુઃખોથી પૂર્ણપણે મુક્ત થયા અને નિર્વાણને પ્રાપ્ત થયા.

પૂર્ણ 


જિન શાસન વિરુદ્ધ કઈ પણ કહેવાણું હોય 

કોઇપણ આશાતના થઇ હોય તો મન થી મિચ્છામી દુક્કડમ . જૈનમ જયતિ શાસનમ

No comments:

Post a Comment

ideamage